選自《客家童謠美學賞析與美育創(chuàng)作》
 

燕哩竇

燕哩竇，筑屋梁，

一竇乳燕冇毛羽，

冇毛冇羽身光光。
 

乳燕哩，嘴黃黃，

雙眼瞇瞇冇打開，

嗶嘰嗶嘰餓得慌。
 

燕爸媽，忙又忙，

飛來飛去捉小蟲，

捉來小蟲喂仔嘗。
 

乳燕哩，羽毛長，

羽毛長來快學飛，

好陪爸媽賞風光。
 

注釋：

①燕哩竇：指燕子巢。

②喂仔嘗：指給小燕子喂食。
 

落水溦

落水溦，著蓑衣，

阿公魚梁去收魚。

魚梁架，水嘩嘩，

魚哩滿架白花花。

魚亂跳，跳眼花，

跳出一條紅鯉嫲，

趕緊裝滿一罶釘回家。
 

釘回家，紅鯉嫲，

阿公話煎味道香，

阿婆話煮味唔差。

話下煎，話下煮，

鯉嫲一跳跳出罶；

話唔差，話好香，

鯉嫲再跳跳落塘。

跳落塘，眼望望，

剩下魚仔炸來也噴香。
 

注釋：

①落水溦：指細雨蒙蒙。

②魚梁：一種傳統(tǒng)的捕魚方法。

③罶：裝魚的簍子。

④話：指講話。
 

火映蟲

夜晡風，火映蟲，

飛上樹，唧唧蟲，

飛田丘，一窩蜂，

戍尾只只吊燈籠。
 

火映蟲，唧唧蟲，

飛到西，飛到東，

同涯嬲，去兜風，

一閃一閃點燈籠。
 

注釋：

①夜晡：指晚上。

②戍尾：指屁股后面。

③同涯嬲：跟我一起玩的意思。

作者：黃日新 周云水